Search Engine Submission - AddMe شاب تحت الصفر شاب تحت الصفر: الصفعـــــــــــــــــة

الأحد، 31 أغسطس 2014

الصفعـــــــــــــــــة

بسم الله الرحمن الرحيم

 

3 سنوات إلا قليل .
كثير من الأيام التي إبتعدت فيها عن المدونة ولكن هذة المرة لم يكن رغما عني وإنما بسبب الحالة التي إعترتني في هذة السنوات الثلاث.
ضاع الحلم بسبب مجموعة من الأفاقين وتجار الدين والسياسة وتجار الكرامة الذي باعوا أطهر ما قام به جيلنا في سوق النخاسة
وجوه حقيرة كنا نظنها وجوه مضيئة لم تتعلم من دروس الماضي وثقت في الخونة وخونت الأمناء
مجتمع حقير كالعادة إن إنكسر له صنم صنع صنما آخر مجتمع يأبى الحرية ولا يرتضي إلا بحياة الذل والعبودية
مجتمع قاتل قتل شبابه وقتل حلمه للتحرر بيده
ثم في النهاية عاد مرة أخرى ليلعن الشباب ويحملهم مسؤولية خزيه وعاره
سحقا للمجتمع المصري المتخلف العبد القذر.

الصفعة


هذة القصة من القصص الكئيبة والمملة أيضا.
هي مأساه ولكنها مأساه شخصية لن يشعر بها إلا الكاتب ولن تنتقل للقارئ بشكل جيد

وللأسف

فأنا لست بالكاتب الذي يستطيع نقل الأحاسيس.

هي قصة صفعة الإهانة وهي أول صفعة مهينة تلقيتها في حياتي
تلقيت في حياتي الكثير من الصفعات والركلات

بدأت القصة بالصباح الباكر كنت وقتها في الصف الرابع الإبتدائي
ولاحظت ضعف غريب ووهن في جسدي
وقلت وقتها لأمي لن أستطيع الذهاب إلى المدرسة اليوم أشعر بالتعب
بالطبع كانت أمي أن تلطم على خدودها وتصرخ لولا أنها لا تعرف اللطم ولم يسبق لها الصراخ
ولما حاولت بكل الطرق إثنائي عن هذا
لجأت في النهاية إلى الهدوء
وخصوصا بعد ان أصابني الغثيان والتقيؤ

قالت : طيب طالما حاسس إنك تعبان يبقا ناخدلك جواب وكشف مرضي وأجازة من المدرسة
أنا : وإيه لازمتها يعني هو الطبيب الممارس هيعمل حاجة ولا العيادة المعفنة إللي إحنا بنروحلها دي هتعمل حاجة
أمي : لا لازم عشان نطمن أختك هتروح معاك متنساش إنك كنت غايب إمبارح برده
أنا : ماشي
أختي : خد الشنطة معاك برده
أنا : أخد الشنطة معايا ليه بس حمل على الفاضي
أختي : معلش إحتياطي
أنا : ماشي مش هأخد فيها حاجات كتير بقا أي كتاب على أي كراسة والسلام

وفي المدرسة
أختي :تعال ندخل الفصل عشان نستأذن من المدرس
أنا : ونستأذن ليه
أختي : معلش تعال

في الفصل

أختي : معلش يا أستاذ هو إتأخر إنهارده لظروف معينة هو بيستأذن حضرتك إن يكمل اليوم حتى لو هيتكتب غياب مش مشكلة
أنا : إيه ! أنا مريض وعايز أخد جواب للتأمين الصحي
أستاذ عبد الناصر : طب إدخل يا إبني متخافش
أنا ( في خاطري ) : مخافش مين بس ده أوسخ مدرس في المدرسة
- في المدرسة مين ده أوسخ مدرس في التعليم كله
أستاذ عبد الناصر : إدخل يبني
وأختي طبعا مشيت

وهوبا
أستاذ عبد الناصر : طلعوا الواجب يا إبن ............ ( شتيمة ) منك له
وإذا بي أكتشف المفاجأة
كراسة الزفت الواجب مش موجودة

أنا : يا أستاذ لو سمحت نسيت كراسة الواجب أنا أصلا كنت جاي أخد جواب عشان عيان
المدرس : وماخدتش الجواب ليه يا بن الكلب
أنا : أنا أبويا مش كلب أنا أبويا موجه محترم

المدرس : طب خد يبن الموجه-  ( الصفعة ) -  وإقلع جزمتك يبن الكلب عشان هتتمد
أنا : طيب معلش بقا انا عايز أروح دورة المية

المدرس : روح يا خويا يعني هتهرب مني فين أنا إنهارده الحصص كلها بس وحياة أبوك الموجة لو مجتش في خلال خمس دقايق لأكون طالع مادك في الحوش واخلي المدرسة كلها تتفرج عليك
وبالنسبة للواجب خلاص يا ولاد براءة مش هأشوفه ومش عايز أشوفه أنا بس هأعاقب بن الكلب ده

أنا : ( متوجها لمكتب المدير ) أستاذ حسن إلحقني أستاذ عبد الناصر عايز يمدني وضربني بالألم
أستاذ حسن : ليه يا عبده
أنا : مجبتش كراسة الواجب
أستاذ حسن : ومجبتهاش ليه بس يا عبده بصراحة مقدرش أتدخل
أنا : يا أستاذ حسن المشكلة مش إنه عايز يمدني المشكلة إن شتم أبويا وقال عليه كلب
وإنت عارف حضرتك أبويا وجالك قبل كدة وعارف حضرتك إنه موجه
وبعدين أبويا عصبي ومش عارف ممكن يعمل إيه لو عرف
ده غير كمان إن انا إنهارده عيان وكنت عايز أخد جواب
بصراحة أبويا لو عرف هتبقا مشكلة
أستاذ حسن : طيب تعال


في الفصل



أستاذ حسن : أستاذ عبد الناصر معلش متعاقبش عبده لأنه فعلا عيان وكان عايز ياخد جواب إنهارده
أستاذ عبد الناصر : ده قعد يذلني بأبوه قدام التلاميذ يا أستاذ حسن عمال يقولي أبويا موجه أبويا موجه
يلعن أبوه

أستاذ حسن : هو مش قصده يا أستاذ عبد الناصر وبعدين إحنا مش عايزين مشكلة ما صدقنا خلصنا من مشكلة الشهر إللي فات وقدرنا نلم الموضوع
بلاش مع أبناء الموجهين والناس إللي في المنظومة لأن إنت عارفهم بتوع ذنب ومقالب وشكاوى وإحنا في غنى عن ده كله
وبعدين إنت ضربته بالقلم خلاص بقا نلم الدور
الأستاذ عبد الناصر بغيظ : خلاص عشان خاطرك إنت بس يا أستاذ حسن
خش يلا يبن ............ يبن الموجه



لم تكن الصفعة هي التي أخذتها من المدرس بل من أهلي أيضا الذين تعمدوا أن يستدرجوني بسبب سذاجتي ويوعدوني بوعد أخلفوه
وتعلمت يومها أن وعودا الأهالي وعود مخلفة بالفطرة ولا يتم تنفيذها إلا نادرا
نقاط هامة
 - لو كنت قلت لأبي ما حدث لم يكن ليفعل شيئا
كل ما كان سيفعله هو أن يكمل على باقي كرامتي المهدرة بعلقة ساخنة أخرى
لأي سبب من الأسباب

- أسماء المدرسين حقيقية.


ألم أقل لكم قصة مملة لقد مللت من كتابتها الله يكون في عون قارئها


هناك 13 تعليقًا:

  1. mohammed refaat5

    شكرا لتقييم الأكثر جودة

    uouo uo9

    You are welcome

    ردحذف
  2. يا ابن الـ............................. موجه 3:)

    ردحذف
  3. ممتااااااااااز
    شركات نقل العفش بجدة
    Prokr.com
    نقل عفش بمكة
    Albyaan.com
    شركات نقل عفش
    Prokr.org
    نقل العفش بجدة والمنطقة الغربية
    Shoala.net

    ردحذف
  4. اليكم مجموعه متنوعه من اعمال الحديد والاستانلس
    http://decor-ksa.com/
    https://decor-ksa.com/doors-gallery/
    https://decor-ksa.com/laser-railings/

    ردحذف

علق بأي حاجة بس بلاش شتيمة مش هيبقا في المدونة كمان